E ho‘opā i kāu ‘ea HOLO ma luna o ke ka‘a ʻōhua, ka Handi-Van, a ma nā kahua kū ka‘aahi e hiki mai ana e uku ai no ke kau ‘ana ā puni ka moku.
Ke ʻAno o ka Hana
Ho‘ohana i ka ‘ea HOLO i nā wahi a pau ā puni ka moku
Ho‘oma‘alahi i ke ka‘ahele ‘ana.
Ho‘opiha kālā ma luna o kāu ‘ea HOLO ma ka www.holocard.net, ma ke kelepona paha, a ma nā wahi kū‘ai like ‘ole. ‘A‘ole pono e ho‘ohana i ke kālā kū‘ike.
Ka palena hoʻolilo kālā o ka lā
Ke uku ‘oe no ‘elua kau ‘ana ma ka lā ho‘okahi me kāu ‘ea HOLO, lilo iā ‘oe ka likiki no ka lā holo‘oko‘a. ‘A‘ole pono e kū‘ai i ka likiki no ka lā piha ma ke kau mua ‘ana, akā, hiki nō ke hana pēlā ke makemake ‘oe. Hiki ke kū‘ai i ka waiwai ho‘āhu ‘ia no ka ‘ea no ka likiki no ka lā piha a i ‘ole ho‘opiha i ka likiki ma ka www.holocard.net a i ‘ole ma kahi kū‘ai kokoke iā ‘oe.
Ho‘oholo i ka ‘ea ma ka www.holocard.net
Hiki nō ke kūkulu i waihona ma luna o ka www.holocard.net no ka ho‘opiha hou ‘ana i kāu ‘ea ke hō‘ea aku ma kekahi palena, ma kēlā me kēia mahina, a i ‘ole ke pono iā ‘oe.
Ho‘oholo i ‘elua a ‘oi mau ‘ea.
Ho‘opili ‘ia ka helu o kāu ‘ea me kou waihona. Hiki nō ke ho‘opili ‘ia ka po‘e like ‘ole o ka ‘ohana ma luna o ka waihona ho‘okahi a he mau hana nō e ho‘opiha ai ma luna o ka www.holocard.net.
Ua lilo nō kāu ‘ea?
Inā kūkulu ‘oe i kou waihona a lilo kāu ‘ea, mai hopohopo! E nānā ma ka www.holocard.net a kāpae i kāu ‘ea a ho‘oneʻe i ke koena waiwai ma luna o kāu ‘ea hou a i ‘ole e kelepona i ke keʻena kōkua po‘e kū‘ai no ke kōkua.
Nā Nīnau Pinepine
E kaomi ma luna o kekahi nīnau ma lalo nei e aʻo ai i nā mea hou aku
No ke aha e ho‘ohana ai i kēia ‘ea?
He mau kumu maika‘i nō e ho‘ohana ai i ka ‘ea HOLO, akā, ‘o nā kumu nui:
- ‘A‘ohe likiki pepa e mālama ai
- Hiki ke mālama palekana ‘ia ke koena waiwai o luna o kāu ‘ea inā lilo
- Loa‘a ho‘okahi haneli a ‘oi mau wahi kū‘ai e kū‘ai ai i ka ‘ea
- Hiki ke hoʻonohonoho ‘ia ka ho‘opiha hikiwawe hou ‘ana o ke kālā, a ‘a‘ole ‘oe e pilikia i ka nele
Pehea e hana ai kaʻu ‘ea HOLO?
He unu ko loko o ka ‘ea HOLO, a heluhelu ʻia ka hō‘ailona o loko ma luna o ka mīkini hō‘oia ‘ea. A laila, hoʻouna ka mīkini hō‘oia i ka hōʻailona i ke ke‘ena e hō‘oia ai i ke kūpono o ka ‘ea a me kona waihona. Ma loko o ka waihona, loa‘a ka likiki a i ‘ole ka waiwai e hiki ai iā ‘oe ke ho‘ohana no ke kau ‘ana i ke ka‘a ‘ōhua. I kēlā me kēia manawa e ho‘opā ai ‘oe i kāu ‘ea ma luna o ka mīkini hō‘oia, ho‘ouna ‘ia ka hōʻailona i ke ke‘ena ‘ea HOLO e hō‘oia ai inā ua kūpono kou waihona no ke kau ‘ana.
Pehea wau e hoʻohana ai i ka ‘ea?
E ho‘opā wale nō i kāu ‘ea ma ka ʻaoʻao o ke ki‘i o luna o ka mīkini hō‘oia me ka ‘ōlelo HOLO (‘a‘ole ma luna o ke aniani) a kau nō! E nānā i ke ki‘i‘oni‘oni ma lalo o ka ‘ao‘ao Kōkua, a pēlā nō ho‘i e a‘o ai.
Ma hea wau e ho‘ohana ai i kēia ‘ea?
I kēia manawa nō, hiki ke ho‘ohana ‘ia ka ‘ea HOLO ma luna o ke ka‘a ‘ōhua, akā, e loa‘a nō no ka Handi-Van a me ke ka‘aahi nō kekahi i ka wā e hiki mai ana.
He aha ka waiwai i ho‘āhu ‘ia?
Hiki ke mālama ‘ia ka likiki a i ‘ole ka waiwai i ho‘āhu ‘ia ma luna o ka ‘ea HOLO , a ho‘ohui ‘ia me kekahi waihona i ho‘opili ‘ia me kāu ‘ea. He koho uila ka Waiwai Ho‘āhu ‘ia e hō‘alo ai i ka ho‘ohana i ke kālā kū‘ike. Ho‘ohana ‘ia ka "‘ea akamai" me ka unu liʻiliʻi ma loko nāna e ho‘āhu i ke kālā uila a nāna e ho‘oholo i ka uku ‘ana.
‘O wai ka‘u mea e wala‘au kūkā ai ke loa‘a ka nīnau ia‘u?
Hiki ke kaomi ma lalo nei e ‘ike ai i nā ha‘ina no kāu mau nīnau pinepine a i ‘ole hiki ke kelepona i ka helu 808-768-4656 a wala‘au me kekahi ‘ākena o ke ke‘ena HOLO.